Thursday, July 21, 2011

aansoo nahi agar tumne...

aansoo nahi agar tumne
moti barsaye hote,
toh aaj hamare ghar bhi
mausam dollar mein aya karte.

aansoo nahi agar tumne
moti barsaye hote,
hum bhi phir kisi mahal ki
chhat par shayariyaan gaya karte.

aansoo nahi agar tumne
moti barsaye hote,..

kuchh khwab, kuchh ummedein,tamannayein aur khwahishein,
yuhin laga kar gale nahin chala hoon main,

tasveerein tumhari aur bhi tooti theen,
patthar hoon par, nahin pighla hoon main,

aansoo nahi agar tumne
palkon par apne jeevan ke, kuchh sapne chhitraye hote,

toh aaj na jaane kitnon ke sapnon mein hum aaya karte.

aansoo nahi agar tumne
moti barsaye hote,
toh aaj hamare ghar bhi
mausam dollar mein aaya karte.

aansoo nahi agar tumne...

3 comments: