Friday, July 22, 2011

chummban nahi yeh avishkaar hai!

chummban nahi yeh avishkaar hai,
jo tumhare dil mein uri mere pyaar ki patang ki dor mere haath lag gayi.

hotthon ka yeh kaisa kaarobaar hai?..
jo saase bharne nikli thi aur dharkane luta kar sare aam thag gayi.

chummban nahi yeh avishkaar hai!

kuchh panne ure mere,
aur tumne sanjo kar unhe ik kitaab bana dala,

mere sawaalon ko chun-chun kar,
tumne kitnon ko behisaab jawaab bana dala,

arj. aarjoo ne ki hai aaj, par shaayari tum ko likhni hai!

nadaan kismat bhi karti aaj ahankaar hai,
jo masoomiyat sanjo kar rakhi thi barson se maine,
tumhe chhute hi na jaane kyun darak gayi.

chummban nahi yeh avishkaar hai,
jo tumhare dil mein uri mere pyaar ki patang ki dor mere haath lag gayi.


4 comments: