Wednesday, July 20, 2011

Kohshish toh har koi kar raha hai,
makaam kisi ek ne pana hai,
dharkanein gungunaati hain har ek ki yahan,
par jeevan ka raag kya hai?,
yeh tumhi ko gaa kar sunana hai.

[aaj manav ke garbh se utth kar tumhe manavta ka beej ugana hai.]

maana hua hai bahut kuchh ab tak yahan,
paani par zameen, zameen par pani,
zameen aur paani par aasman,
aasman mein zameen aur pani,
par jahaan zameen, pani, aur aasmaan se pare bhi soch ho,
vichar hon,
wahan tumhi ko kiran ban
subeh ka swaagat geet gana hai.

[aaj manav ke garbh se utth kar tumhe manavta ka beej ugana hai.]


No comments:

Post a Comment