Wednesday, March 28, 2012

chand main tumko kahoon....

chaand main tumko kahoon,
toh kya main ek chakor hoon,
saat rangon ki ho tum ,
main indradhanushi mor hoon,
naa tumhare arth ka hoon, naa tumhare gyan ka,
main tumhare hriday ke bheetar ke man ka chor hoon.

saanjh ki angraai ho tum,
meri har parchhaee ho tum,
khushi ki badhai ho tum,
shail ki taraai ho tum,...

pushp tum ko kehte hi main sugandhit ho gaya,
gar surya main tumko kahoon, to bhoomi par main bhor hoon,

aasma ke neeche ye jeev bhi gavaah hain,
gar patang main tumko kahoon, to main tumhari dor hoon,

kya?...

jaante nahi mujhe ?..
pehchante nahi mujhe?..
ab itne bhi anbhigya banne ki koshish tum mat karo..
sonch kar dekho zara..
hai galat maine kya kaha?..

tumhare hi bheetar kahin toh ik dhoomil sa main shor hoon.

1 comment: