Monday, March 26, 2012

pranav hi kyun?...

Dil ghabrata hai,
Mastishque soch na pata hai,
aankhein khuli hain,
zindagi phir se mili hai,

par...

phir bhi kuch adhoora hai,
kuchh bhi karoon hota na poora hai,

jaise taqniki kharaabi ho,
aur ek hi gana hai,
jo Radio par bar bar
bajta jata hai,
bajta jata hai,
bas...
bajta jata hai.


ek taraf bhaagta bhi hoon main tumse,
aur ek taraf baith tumhaari dhwani par,
hridaey shithil par jata hai,

yeh kaisa asmanjas hai,
aur kaisa yudhh hai yeh?...
jahaan raja bhi main aur rank bhi main,
par samay-samay par pyaanda ban
bas...
pranav hi kyun mara jata hai?....

saansein bahut hain abhi,
aur indriyaan bhi kaam kar rahi hain meri
phir is anokhe guncha ki khushboo ko yeh jeev,
har baar...
pehchaan kyun nahi pata hai....

1 comment: